সপোনৰ চানেকি | অসমীয়া কবিতা | হিমাশ্ৰী মজুমদাৰ | Sapunor Saneki

সপোনৰ চানেকি

বহুত সপোন আছে,

বহুত প্ৰতিশ্ৰুতি আছে,

জীৱন বাটত আশা-অনুভূতি 

এইবোৰৰ অন্তও যে নাই । 

বহুদিন হ'ল তোমালৈ একো লিখা নাই 

তাতে আজি আকৌ বৰষুণ দিছে ;

তোমালৈ নিলিখি নোৱাৰিলোঁ ! 

বৃদ্ধি হৈছে মোৰ হৃদয়স্পন্দন, 

কঁপি উঠিছে অন্তৰ আত্মা জীয়া জুইৰ

উচপিচনিত জ্বলি মৰিছিলো মই । 

তুমি হেন বৰষুণজাকত পুনৰ প্ৰাণ 

পাই উঠিলো । 

সুগন্ধি পুষ্প সদৃশ তোমাৰ প্ৰতিটো কথাই 

মোক বৰকৈ আমনি কৰিছে । 

কেঁচা মাটিৰ কোমল আলাসেও 

জীৱনৰ মৰহা বাট সুন্দৰ কৰি তুলিছে । 

কিনো লিখো তোমালৈ ?? 

তুমি যেন হিম চেঁচা বতাহ, 

আৰু মোৰ শুকান মৰুভূমিৰ ধূলি উৰুৱাই 

যেন এজাক জীপাল বৰষুণ হৈ নামি আহিছা 

মোক সজীৱ কৰিবলৈ । 

ইমান মৰম !!

ইমান ভালপোৱা, ইমান সন্মান, 

ইমান অভিমান ;

মাথো তোমাতেই বিলীন প্ৰতিক্ষণ,

প্ৰতিপল মই...।।

✍️ হিমাশ্ৰী মজুমদাৰ

✍️ 

Photo- ৰুলি ৰাণী

Ruli Rani Fun Page

Daily Assamese

Assamese Love Poem