ৰাংঢালী
কথাবোৰ ভাবি ভাবিয়ে সি বাছ আস্থান পালে | ঘড়ীটোলৈ চালে, ১০ বাজিবলৈ আৰু ১০ মিনিট বাকী আছে | কিন্তু অলপ আগত দেখিলে ৰাংঢালী তাৰ আগতেই আহি তাত হাজিৰ হৈ আছে | অজয়ৰ তাইক দেখি মনটো আৰু অধিক ভাল লাগি গল |
আকাশ - ৰাংঢালী |
ৰাংঢালী - আহিলা | বলা | যাও অফিচলৈ |
দুয়ো অফিচলৈ বুলি ওলাল | অফিচ আহি পোৱাত দেখিলে যে ইন্টাৰভিউৰ ৰিজাল্ট উলিয়াইছে |
ৰাংঢালী - আকাশ, মনত আছে ন | নিৰাশ নহও বেয়া হলেও মোৰ ৰিজাল্ট | আগবাঢ়ি যাম সাহসত আৰু তৈয়ো নহবি |
আকাশ - হয় ৰাংঢালী | বলা ৰিজাল্টটো আগত চাও |
ৰিজাল্ট চোৱাত দেখিলে ৰাংঢালী পাছ কৰিলে | কিন্তু আকাশে কাষ্টৰ বাবে নাপালে | আকাশে যদিও ভাঙি পৰিছিল নিৰাশ হোৱা নাছিল | কাৰন তাৰ লগত মা-দেউতাই দিয়া সাহস, মৰম আৰু আশীৰ্বাদ তাৰ লগত আছে | ৰাংঢালীৰ নিচিনা এজনী ভাল বান্ধৱী আছে তাৰ লগত | তাৰ মুখত হাহিও এটি বিৰিঙি আছিল কাৰন ৰাংঢালীয়ে ইন্টাৰভিউত ভালদৰেই পাছ কৰিছিল |
আমিতো সদায় নিজৰ সুখত বহুত সুখী হও কিন্তু কেতিয়াবা বেলেগৰ ভাল দেখি সুখী হৈ চাবচোন; মনটোক কিবা এক বেলেগ ধৰণৰ সুখৰ অনুভূতি পোৱা যায় |
আকাশ - ৰাংঢালী, মই পিছে এইবাৰ পাৰ্টীটো তোমাৰ পৰা পাম ন? ভালদৰে কাম কৰিবা | আগবাঢ়ি যোৱা এনেকৈ |
ৰাংঢালী - তুমি সদায় ভাল বন্ধু হিচাপে লগত থাকিব লাগিব আকাশ | তুমিও নিৰাশ নহবা | নিজৰ ওপৰত বিশ্বাস ৰখা | সফল হবা এদিন হলেও | জীৱনত হেঙাৰ হিচাপে ঘাট-প্ৰতিঘাতটো বহুত আহিব, কিন্তু নিজৰ ওপৰত আত্মবিশ্বাস আৰু সাহস গোটাই লব লাগিব |
আকাশ - নাই নাই, একো নিৰাশ নহও মই | তুমি আছা লগত এইবোৰ কথা কৈ মোক উৎসাহ দিবলৈ তাতেই সুখী | আৰু মা-দেউতাই দিয়া মৰম, সাহস, আশীৰ্বাদ আছে | ইমান সোনকালে পৰাজয় নহও |...
...কিন্তু কি জানা ৰাংঢালী, কেতিয়াবা নিজকে বেয়া লাগে; কাৰন মা-দেউতাও বুঢ়া হৈ আহিছে | এতিয়া ঘৰখনৰ দায়িত্ববোৰো মোৰ হাততে আহি পৰিছে | আনকি সকলোবোৰ সমস্যা দেখিও মই একো কৰিব পৰা নাই কাৰন সেই সমস্যাৰ সমাধান মোৰ লগত নাই | আনফালে কিমান দিন কম যে দেউতাক "ইন্টাৰভিউ আজিও মোৰ বেয়াই হল" বুলি |...
...কেতিয়াবা ভাবো, এনেকৈ সদাই নিৰাশ হোৱাৰ খবৰ দেউতাক দিব নোৱাৰি | মোৰো মন যায় মই সফলতা হলে মা-দেউতাৰ মুখত বিৰিঙি উঠা সেই হাঁহিটো চাব | কিন্তু কি কৰিবা, নিজৰ ওপৰতে ধিক্কাৰ আহে ! তথাপি সফলতালৈ বহু দূৰ বাট বুলি জানিও যুঁজি আছো; জানোচা এদিন আশাৰ ফুল জোপাহ লহ পহকৈ ফুলি উঠে তাৰে বিশ্বাসত কিবাকৈ জীয়াই আছো |
ৰাংঢালী - ইমানকৈ নাভাবিবা চোন | নিশ্চয় সফল হবা | মা-দেউতা আছে সদায় তোমাৰ লগত | বান্ধৱী হিচাপে মই সদায় আছো তোমাৰ লগত | বলা এতিয়া কিবা এটা খাই লওগে |
আকাশ - বলা, বলা,,, তুমিও ভালদৰে আগবাঢ়ি যোৱা | অহা সপ্তাহৰ পৰা নতুন অফিচত আহিবা | ভালদৰে কামবোৰ কৰিবা |
ৰাংঢালী - হব আকাশ | বলা এতিয়া |
দুয়ো খাই লৈ ঘৰাঘৰি গ'ল |
◆◆◆◆◆◆◆◆
ৰাংঢালীৰ বাবে আজি এটা ভাল দিন |
তাই হাঁহি মুখে ঘৰ গ'ল কিন্তু আকাশৰ ঘৰ যাবলৈ আজি সাহস নহল | নিৰাশাৰ খবৰ কিমান নো আৰু সি মা-দেউতাকক দিব | সেইবাবে অলপ সময় সি কথাবোৰ ভাবি ভাবিয়ে বাহিৰত থাকিল | সন্ধিয়ালৈকে ঘৰ গৈ নোপোৱাত মাকে তালৈ ফোন কৰিলে |
মা - বাবা ক'ত আছা?
আকাশ - মা, আছো ৰবা বাহিৰত |
মা - ঘৰ আহ বাবা | নিৰাশ নহবি | একো নাই, সময় আছে বাবা | মাথো দেউতাৰে কোৱাৰ দৰে সময়বোৰ ভাল কামত ব্যৱহাৰ কৰিবি |
আকাশ - তুমি কেনেকৈ মোৰ ৰিজাল্টৰ খবৰ পালা মা?
মা - তোৰ মা হয় | তোৰ মাততে জানিছো কথাবোৰ | তই নকলেও বুজি পাও বুজিছ | এতিয়াই ঘৰ আহ, দেউতাকে তোমাৰ কথা বাৰে বাৰে সুধি আছে |
মাকৰ কথাত আকাশে অলপ সময়ৰ পিছতে ঘৰ আহি পালেহি | মুখ-হাত ধুই আহি দেউতাকৰ কাষতে বহিল | মাকে দুকাপ চাহ আনি দিলে |
দেউতা - তই কিয় ঘৰ অহা নাছিলি?
আকাশ - নাই দেউতা এনেই?
দেউতা - চা বাবা | জীৱনটোত মানুহ হৈ জন্ম লৈছা যেতিয়া বিভিন্ন ধৰণৰ ঘাট-প্ৰতিঘাত দেখা পাবিয়ে | তাৰে তোমাৰ দুখ-সুখ দেখি কোনোবাই হাঁহিব, কোনোবাই নাচিব, কোনোবাই জ্বলিব!...
…আৰু তুমি তাৰ পৰাই অৰ্থাৎ তই পোৱা সেই আঘাতৰ পৰাই নতুন নতুন কথা সদায় শিকিব পাৰিবি | মানি লোৱা আজি তুমি সফল নহলি, কিন্তু তাৰ অৰ্থ এইটো নহয় যে তই জীৱনত সফল নহবি | আৰু সফল নহলি বুলিয়েই যে তই মন ভাঙি পৰিবি সেইটো নহয় | যদি নিজৰ মন ভাঙি দিও তোৰ নিজৰ ওপৰতেই আত্মবিশ্বাস আৰু সাহসকণ হেৰুৱাই পেলাবি |...
...চেষ্টা, পৰিশ্ৰম সদায় নিজৰ হাতত | দহজনে দহটা কব, কিন্তু তুমি সেই দহটা কথাৰ কোনটো বেছি ভাল, কোনটোৰ তুমি যোগ্য সেয়া তুমি নিজেই ঠিৰাং কৰিব পাৰিব লাগিব | এটাই ভাব লগত ৰাখিবি, আজি সফল নহলেও কালিলৈ বা পৰহিলৈ হলেওতো তই সফল হবি | কেৱল মন ভাঙি নেপেলাবা, আমি আছো সদায় তোমাৰ লগত | মাথো প্ৰচেষ্টা তোমাৰ নিজৰ ওপৰত | সফল হবি এদিন হলেও !!
দেউতাকে আকাশক ভালেখিনি কথাই বুজালে | আকাশেও দেউতাকৰ কথাবোৰত নিজকে বহু বিশ্বাস আৰু মনত সাহস গোটালে | দেউতাকৰ কথাৰ মাজে মাজে সি ৰাংঢালীৰ কথাও ভাবিলে | আজি ৰাংঢালীৰ দৰে যদি সিও ইণ্টাৰভিউত পাছ কৰিলেহৈ তাৰ মাক-দেউতাকে যে কিমান সুখ অনুভৱ কৰিলেহৈ | কিন্তু সেইখিনি আশা আজিও আকাশৰ নিৰাশ হৈয়ে থাকিল |
জীৱন এনেকুৱাই !!
যিয়ে পায় তেওঁ সমস্ত পায়, আৰু যিয়ে নাপায়
তেওঁ সকলোবোৰ হেৰুৱায় !!
আকাশৰো এটাই মন, সি ভাল কিবা এটা চাকৰি কৰিব, মাক-দেউতাকক সুখী কৰিব, ঘৰখন সুচাৰুভাৱে চলাব পৰা এগৰাকী বোৱাৰী আনি মাক-দেউতাকক এদিন উপহাৰ হিচাপে দিব! কিন্তু আকাশৰ এই পৰিস্হিতিত এজন বেকাৰ ল'ৰা হিচাপে কৰিব পাৰিব জানো তাৰ লক্ষ্যবোৰ পূৰণ??
কেনেকৈ ক'ব সি ৰাংঢালীক "তোমাক ভাল পাওঁ বুলি" | মানি ল'ব জানোঁ ৰাংঢালীয়ে আকাশৰ ভালপোৱাৰ প্ৰস্তাৱ!! - কথাবোৰ ভাবি ভাবিয়ে আকাশে কপালত হাত এখন থৈ বিচনাত পৰি আছে ||
[ বিদ্ৰো: ৰাংঢালীৰ এই চুটি কাহিনীৰ উপন্যাসখনৰ আগৰ বা পিছৰ খণ্ডবোৰ একাদিক্ৰমে পঢ়িবলৈ তলত দি থোৱা লিংকটোত ক্লিক কৰি চাব পাৰিব। অথবা Google -ত ৰাংঢালী প্ৰেম ভালপোৱাৰ কথাৰে বা ৰাংঢালী চুটি কাহিনী ইত্যাদি লিখিও সকলোবোৰ খণ্ড অতি সহজে চাব পাৰিব।
নতুন নতুন পোষ্ট আৰু ধাৰাবাহিক উপন্যাস সমূহ সময়মতে পাই থাকিবলৈ আমাৰ ৱেবচাইটৰ লগত থাকক । Google -ত DailyAssameseStatus অথবা DailyAssameseStatus.Blogspot.Com লিখি Search কৰিও আমাৰ নতুন পোষ্টসমূহ সহজতে চাব পাৰিব। Special thanks to all 3M+ Views on the Assamese Story RANGDHALI. ]
ৰাংঢালী - প্ৰেম ভালপোৱাৰ চুটি কাহিনী
Hello, my name is Anurag Saikia. I'm from the Gauhati, Assam, India.
No comments:
Post a Comment