ৰাংঢালী
দিনবোৰ বাগৰি গৈ থাকিল | ৰাংঢালীয়ে নতুন অফিচত জইন কৰিলে | সময়ৰ লগতে আকাশ আৰু ৰাংঢালীৰ বন্ধুত্বও বেছিকৈ গভীৰ হল | দুয়োটাই যেন দিনটোত এবাৰ কথা নাপাতিলে সময়বোৰ যেন নাযায় নূপুৰায় লগা হল |
দিনে দিনে আকাশৰ মনতো ৰাংঢালীৰ প্ৰতি তাৰ হৃদয়ত মৰম বাঢ়িব ধৰিলে | কিন্তু কথাবোৰ ৰাংঢালীক কবলৈহে আকাশৰ সাহস নহল |
আকাশে বুজি পাইছিল যে সি এতিয়াও একো এটা কামত সফল হব পৰা নাছিল | সেইবাবে তাইৰ বাবে থকা মৰমবোৰ নিজৰ হৃদয়ৰ একোণতে সাচি ৰাখি তলা মাৰি থৈ দিছিল |
ভালপোৱাক জানো ৰখাব পাৰি | আমি যিমানেই ইয়াৰ পৰা দূৰত থাকো সিমানেই ওচৰ চপাই আনে | আপোনজনৰ প্ৰতি থকা ভালপোৱাক তো ৰখাব নোৱাৰি | আকাশৰ লগতো তেনেকুৱাই হল | সি নিজকে ৰাংঢালীৰ পৰা আতৰাই আনিব বহুত চেষ্টা কৰিলে কিন্তু নোৱাৰিলে | মৰমবোৰ বেছি বাঢ়ি যাবহে ধৰিলে আকাশৰ মনত ৰাংঢালীৰ বাবে |
হলেও আকাশে ভাবিছিল- যেতিয়ালৈকে সি নিজৰ ভৰিৰ ওপৰত থিয় নিদিয়ে তেতিয়ালৈ সি ৰাংঢালীক মনৰ কথাবোৰ নকয় |
সদায় আকাশে তাইৰ অফিচৰ বাহিৰত তাইৰ অফিচ ছুটী হোৱালৈ অপেক্ষা কৰি থাকে আৰু দুয়োটাই অফিচৰ শেষত সন্ধিয়াৰ সময়খিনি চাহ একাপ হাতত লৈ মনৰ কথাবোৰ ব্যক্ত কৰে |
এদিন ৰাংঢালীয়ে আকাশক কলে-
ৰাংঢালী - তুমি কিবা ভাবিছানে আকাশ… এনেকৈ আৰু কি কৰিবা? দিনবোৰতো বাগৰি গৈয়ে আছে… কৰবাত কিবা খবৰ পালা নেকি নতুন ইন্টাৰভিউৰ?
আকাশ - নাই ৰাংঢালী | ইন্টাৰভিউৰ ওপৰত ইন্টাৰভিউ দিয়েইতো আছো | কিন্তু একো কতো সফলতাৰ খবৰ নাপাওঁ | কৰবাত যদি কাষ্টৰ কাৰনে নাপাওঁ, কৰবাত আকৌ লাখ টকা খুজে এটা চাকৰিৰ বাবে | কৰ পৰা দিম কোৱা…!! দেউতাৰো চাকৰিৰ কাল ওচৰ চাপি আহিছে আৰু মাথো ছয় মাহ মানহে আছে |
ৰাংঢালী - তাৰমানে তুমি চাকৰিৰ আশা এৰি দিলা নেকি আকাশ ???
আকাশ - সেইটো নহয় | কিন্তু আজিকালিৰ যুগত ভালদৰে পাছ কৰা ছাৰ্টিপেকেটৰ মূল্যই নাই চাগে | চাৰিওফালে কেৱল বেচা-কিনাহে চলে দেখোন | কি কৰো কি নকৰো, উপায়হীন হৈ পৰিছো | কেৱল মা-দেউতা আৰু তুমি দিয়া সাহসৰ বাবে পৰাজয় এতিয়াও হব দিয়া নাই নিজক | সময়বোৰে নিজৰ গতিত আগবাঢ়ি আছে, মাত্ৰ মইহে সময়ৰ লগত আগবাঢ়ি যাব পৰা নাই | সোনকালে কিবা এটা কৰিব পাৰিলে নিজৰে ভাল লাগে |
ৰাংঢালী - তুমি কোৱা কথাখিনি সচা | কিন্তু পৰাজয় নহবা | জয়ী হবলৈ চেষ্টা কৰা অতি সোনকালে আকাশ |
দুয়োজনে মনৰ কথাবোৰ পাতি ঘৰাঘৰি গল | আকাশ ঘৰত গৈ গভীৰ চিন্তাত | কি হব, কি কৰিব সি জীৱনটোত… উপায়হীন আকাশ |
জীৱনক লৈ তাৰ নানান ধৰণৰ প্ৰশ্ন | কিন্তু উত্তৰহে পোৱা নাই বিচাৰি এতিয়ালৈ | কি কৰিব?? চাকৰি এটাৰ কাৰনে কষ্ট কৰি পঢ়ি পাছ কৰা ছাৰ্টিপেকেটৰ কোনো মূল্য নাই !! সকলোতে কেৱল বেচা-কিনা !! সি নিজক কিছু সময় দিলে আৰু নিজে সি কিবা এটা কৰাৰ সিদ্ধান্ত ললে |
হয়… যেতিয়া জীৱনত সফলতা পোৱাৰ সকলোবোৰ পথ বন্ধ হৈ পৰে তেতিয়া নিজেই সফলতাৰ পথ বিচাৰি ল'ব লগা হয় | আকাশেও সৰু এটা ৰুম লৈ সৰুকৈ হোটেল এখন খোলাৰ কথা ভাবিলে |
সি জানে- মানুহে তাক হাঁহিব হোটেল খুলিব লোৱা কথাটিক ! আৰু হয়তো বহুতে তাক কব,
: ইমানখিনি টকা-পইচা, মা-দেউতাৰে তোৰ পঢ়াৰ নামত খৰচ কৰিলে আৰু তই এতিয়া হোটেল হে খুলিলি !!
সি নিজৰ ওপৰত বিশ্বাস ৰাখিলে আৰু কামটো কৰাৰ বাবে নিজকে সাহস দিলে | সি কথাটি মা-দেউতাকক কলে -
আকাশ - মা আৰু দেউতা... মোৰ আৰু এতিয়া চাকৰিৰ পিছত দৌৰি থকাৰ মন নাই | কাৰণ চাৰিওফালে বেচা কিনা কেৱল | কষ্ট কৰি পঢ়ি পোৱা ছাৰ্টিপেকেটৰ মূল্য নাই | মূল্য কেৱল কাষ্ট আৰু টকা-পইচাৰ আৰু কৰবাত চাকৰিৰ বাবে নামটো আহিলেও তাত লাখৰ ওপৰত টকা-পইচা খোজে | নাজানো নিজে কষ্ট কৰি পাছ কৰা ছাৰ্টিপেকেটৰ মূল্য দি চাকৰি কেতিয়া পাম, সেইবাবে তাৰ আশা বাদ দিলো | এতিয়া নিজেই কিবা এটা কৰিব চেষ্টা কৰো | কাৰণ জীৱনে বহুত পৰাজিত কৰিব চেষ্টা কৰিলে আৰু নহও | এতিয়া নিজৰ ভৰিত নিজেই থিয় দিম সৰুকৈ কিবা এটা কৰি হলেও | মই সৰুকৈ হোটেল এখন খোলাৰ কথা ভাবিছোঁ !!
মা - চা তই যি কৰ আমাৰ আশীৰ্বাদ সদায় আছে তোৰ লগত |
দেউতা - অ বাবা | তই যিয়েই নকৰ কিয় আমাৰ আশীৰ্বাদ, মৰম সদায় তোৰ লগত আছে | কামত কোনো সৰু ডাঙৰ নাই | কিন্তু সেই কামটো কেনেকৈ ডাঙৰ কৰিব পাৰি আৰু কেনেকৈ সফল হ'ব পাৰি সেইটো চাবি |
মা-দেউতাকৰ পৰা তাৰ কামটো কৰিবলৈ উৎসাহ দিয়াত আকাশৰ মনটো ভাল লাগিল |
আৰু এইবাৰ সি কথাটি ৰাংঢালীক কম বুলি
ভাবিলে | সেইবাবে আনদিনৰ দৰে সেইদিনাও গধূলি সি ৰাংঢালীৰ অফিচৰ তলত থিয় হৈ থাকিল |
দুয়োটাই আন এটি দিনৰ দৰে চাহ দোকান এখনত বহি ইটো সিটোৰ মনৰ কথাবোৰ কলে |
আকাশ - ৰাংঢালী কথা এটা আছিল |
ৰাংঢালী - কোৱা আকাশ কি কথা ??
[ বিদ্ৰো: ৰাংঢালীৰ এই চুটি কাহিনীৰ উপন্যাসখন আৰু এটা খণ্ডৰ পাছত অৰ্থাৎ সপ্তম খণ্ডত "ৰাংঢালী" ৰ যৌৱনীকা পৰিব। আগৰ বা পিছৰ খণ্ডবোৰ একাদিক্ৰমে পঢ়িবলৈ তলত দি থোৱা লিংকটোত ক্লিক কৰি চাব পাৰিব। অথবা Google -ত ৰাংঢালী প্ৰেম ভালপোৱাৰ কথাৰে বা ৰাংঢালী চুটি কাহিনী ইত্যাদি লিখিও সকলোবোৰ খণ্ড অতি সহজে চাব পাৰিব।
নতুন নতুন পোষ্ট আৰু ধাৰাবাহিক উপন্যাস সমূহ সময়মতে পাই থাকিবলৈ আমাৰ ৱেবচাইটৰ লগত থাকক । Google -ত DailyAssameseStatus অথবা DailyAssameseStatus.Blogspot.Com লিখি Search কৰিও আমাৰ নতুন পোষ্টসমূহ সহজতে চাব পাৰিব। ]
Hello, my name is Anurag Saikia. I'm from the Gauhati, Assam, India.
No comments:
Post a Comment