জীৱন বৰ অনুপম
যদিহে কৰা তাক লাঞ্চনা / তিৰস্কাৰ,
তেনে'হলে নাপাবা আৰু তাক দুনাই ঘূৰাই
এই জীৱন এনেকুৱাই…
যিয়ে পায় তেওঁ সকলোবোৰ পায় আৰু নোপোৱাই সকলো পালেও হঠাতে
হেৰুৱায় !!
কোনোয়ে কোনোয়ে কয় -
জীৱন হেনো দুদিনীয়া ।
হয়, জীৱন দুদিনীয়াই
সেয়ে যি পাইচা, যি হেৰুৱাইছা
তাক লৈ সদায় সুখী হ'বলৈ চেষ্টা কৰা
যদিহে নকৰা চেষ্টা জীৱন হ'ব বেথা ।।
পোৱা নোপোৱাৰ হিচাপ কৰি থাকি কি লাভ ?
যদিহে বিচৰাবোৰ সকলোৱে পাই
তেন্তে সকলো বস্তুৰ মাদকতাই বা ক'ত?
সুখ দুখে হয় জীৱনৰ এক অপৰিহাৰ্য্য অংগ ।
যদিহে নাথাকে জীৱনত দুখ
তেনেহ'লে সুখৰ মূল্যই বা ক'ত ??
পোহৰ আছে বাবেইতো আন্ধাৰ হয় ।
ঠিক তেনেকৈ সুখ আছে বাবেইতো
দুখৰ অনুভৱ হয় ।
তেন্তে দুদিনীয়া জীৱনত
কাৰোবাৰ লগত শত্ৰুতা অথবা
হিংসা বিদ্ৰোহ কৰি লাভ ??
এদিনটো সকলো মৰিবই লাগিব ।
সেইবাবে যিমান দিন জীয়াই থকা
সকলোৰে লগত হাঁহি ধেমালিৰে পাৰ কৰা
মিত্ৰতাৰ হাতেৰে জীৱনটো উপভোগ কৰি চোৱা
দেখিবা জীৱনটো কিমান সুমধুৰ / সুখময়,
কিমান অনুপম ।
সঁচাই, জীৱন বৰ অনুপম ।।
✍️ভাগ্যশ্ৰী কাশ্যপ
No comments:
Post a Comment