কোনে কয় পুৰুষবোৰ ধৰ্ষিত
নহয় ?
কোনে কয় পুৰুষবোৰ গৰ্ভস্থ
নহয়?
জৰাসন্ধ ছেদনৰ দৰে
আজি মই নাৰীবাদ ছেদিম ।
বহুত হ'ল নাৰীবাদ
বহুত হ'ল নাৰী বন্দন
আজি মই পুৰুষৰ বন্দনা গাম
শিপা উঘালি উচন কৰিম
নাৰীৰ এক নায়কত্ববাদ ।
পুৰুষৰো সতীত্ব হেৰাই
নাৰীৰ কাম ৰসত পুৰুষবোৰ বৈ যায় ।
নাৰীৰ বীৰ্য্যই পুৰুষৰ গৰ্ভত
ভ্ৰুণৰ ৰূপ পায় ।
চকুৰ চাৱনিত ধৰ্ষিত হয় পুৰুষৰ হৃদয় ।
হৰিণী চকু বিজুলী হাঁহি
গোলাপপহীয়া ওঁঠে নগ্নকৰি
উপৰ্যুপৰি ধৰ্ষণ কৰে প্ৰতিজন পুৰুষৰ হৃদয় ।
শুনিবলে অশ্লীল হ'লেও
আজি ব্যাখ্যা কৰিম নাৰীৰ এক নায়কত্ববাদ ।
কিদৰে নাৰীয়ে পুৰুষক নগ্ন কৰে…
চলনাময়ী ৰূপৱতীৰ প্ৰহাৰত
পুৰুষ কিদৰে বিছনাত চটফতাই থাকে ।
চলনাময়ীৰ কামবানত
পুৰুষ বোৰো গৰ্ভস্হ হয় ।
কাৰোবাৰ অগোচৰে
কঢ়িয়াই ফুৰে অবৈধ সঙ্গমৰ ভ্ৰুণ ।
পুৰুষবোৰ গলি যায়…
চকুলো বোৱাই চিঞৰিব নেজানে বহু পুৰুষে
সেয়ে ঢেকৰী বাইৰ ঘাটিৰ আদ্দা
নাইবা ৰতন কাইৰ ঘুম্তি খনৰ আঁৰত
নিজে নিজে জ্বলি যায় ।
পুৰুষ বোৰে দুটা জীৱন কঢ়িয়াই ঘূৰি ফুৰে
এটাত ফেচীবাদ আৰু আনটোত সাম্যবাদীৰ
শাসন চলে ।
ইপিনে বহু নাৰীৰ নিৰৱতাও
পুৰুষৰ হৃদয়ত ভাৰচুৱেলি এটেক কৰে ।
মন মগজুত বোমাৰ গোন্ধই মলমলাই থাকে
হৃদয়খন ফাটি-ছিটি তেজ ব'ব ধৰে
না শান্তিৰে থাকিব পাৰে
না মৃত্যুক সাৱতিব পাৰে ।
সেয়ে সুধিছো !
কোনে কয় পৰুষবোৰ ধৰ্ষণ নহয় ?
কোনে কয় পুৰুষবোৰ গৰ্ভস্থ নহয় ?
তপন গগৈ
Hello, my name is Anurag Saikia. I'm from the Gauhati, Assam, India.
No comments:
Post a Comment