কিয় তাই আজি বেশ্যা উপাধি পালে?
কিয় সমাজৰ আগত তাই বেশ্যা হ'ল ?
কিয় সমাজৰ আগত তাই বেশ্যা হ'ল ?
কিয় তাই আজি বেশ্যা উপাধি পালে,
কিয় তাই আজি সমাজৰ আগত
বেশ্যা বুলি দোষী হ'ল ?
যিবোৰ বন্ধুয়ে এসময়ত তাইৰ
আপোন আছিল,
তাইৰ সকলো কথাই আনক দুখতো হহোৱাইছিল
আজি কিয় তাই সিহঁতৰ চকুত
এলাগী হৈ পৰিল ?
ৰাস্তাৰে পাৰ হৈ গলে তাইৰ বন্ধুয়ে
আজি কিয় চিঞৰি জোকায়
অই বেশ্যা ?
এই সকলোবোৰ প্ৰশ্নৰ আজি উওৰবিহীন তাই,
উত্তৰ বিচাৰি হাবাথুৰি খাইছে
কি ভুল আছিল তাইৰ ?
কাৰোবাক সঁচা ভালপোৱাতো তাইৰ
ভুল আছিল নেকি ?
নে কাৰোবাক সহজতে বিশ্বাস কৰি লোৱাতো
তাইৰ ভুল আছিল ?
ভালপোৱাতো কোনো পাপ নহয়
ভালপোৱা মানেতো দুটি হৃদয়ৰ মিলন,
তেন্তে তাইৰ ভুল ক'ত হ'ল ?
ক'ত ভুল দেখিলে তাইৰ বন্ধুবৰ্গই ?
তাই জানি বুজি বহু আশাৰে
এদিন তাৰ প্রেমত পৰিছিল,
ভাবিছিল সুখে-দুখে একেলগে থাকিম বুলি ।
অৱশ্যে প্রেমৰ প্রস্তাৱ তাই দিয়া নাছিল
আপোনজনৰ পৰা তাইহে প্রস্তাৱ গ্রহন কৰিছিল ।
সময়বোৰে নিজৰ গতিত আগবঢ়াৰ দৰে
সম্পৰ্কটোও আগ বাঢ়িছিল দুয়োৰে ।
এফালে মিছা ভালপোৱাৰ অভিনয়,
আনফালে তাৰ প্ৰতি তাইৰ ভালপোৱাবোৰে
বিশ্বাসত গঢ় লৈ উঠিছিল ।
নিমিষতে সি তাইৰ আপোন হৈ পৰিল ।
তাৰ মিঠা মাত, মিঠা কথা আৰু
তাৰ স্বাৰ্থপৰ ভালপোৱাই
মুগ্ধ কৰি পেলালে
তাইক ।
তাই ধৰিব পৰা নাছিল তাৰ অভিনয়
আৰু তাৰ স্বাৰ্থপৰ মনটিক,
সকলো দিশৰ পৰা তাই অবুজন আছিল ।
গমকে নাপালে যে তাইৰ জীৱনত সি এদিন
কাল চপাই আনিব ।
সি সুযোগ পাই সুবিধা ললে
অন্তত তাই নিজৰ ৰূপ দেখুৱাই দিলে,
তাৰ মুখৰ মিছা কথা আৰু
তাৰ ঠগ প্ৰবচনাত তাই কোনোদিনে আওকাণ
কৰিব নোৱাৰিলে ।
জান তোমাক তো মই ভাল পাওঁৱেই
তুমিয়েইতো মোৰ, তুমিয়েইতো মোৰ সকলো,
প্লিজ এবাৰ দেখুৱাই দিয়া
তোমাৰ নগ্ন দেহাৰ ফটো, আৰু এটা ভিডিঅ' ।
তোমাৰ শপত, মা'ৰ শপত
অকলেই চাম কাকো নেদেখুৱাও,
মোৰ ওপৰত তোমাৰ এইখিনিও বিশ্বাস নাই নে
মইনো বেলেগক এইবোৰ কিয় দেখুৱাম ?
সকলো দিশৰ পৰা তাই অবুজন
খুলি দিলে তাইৰ দেহৰ সৰ্বোচ্চ কাপোৰ,
দি দিলে তাক সি বিচৰা মতেই
তাৰ হেঁপাহ পুৰোৱাৰ স্বাৰ্থত
তাক সুখী কৰাৰ স্বাৰ্থত ।
ভালপোৱাৰ অন্য এটা নাম যে
ত্যাগ, কলংক
এইবোৰ তাই একো নাজানে নুবুজে,
মাথোঁ তাই তাক মনে প্ৰাণে ভাল পাই গৈছে ।
সিদিনা তাইৰ লগত সি শাৰীৰিক সম্পৰ্ক
কৰিব বিচাৰিল
তাই বাধা প্ৰদান কৰিলে ।
এইবোৰ এতিয়াই মই নোৱাৰিম প্লিজ,
লাগিলে তুমি যি কৰা কৰিবা ।
হয়, ল'ৰাজন সঁচাই আঁতৰি গ'ল সেইদিনা
তাইৰ জীৱনৰ পৰা ।
আৰু কিমান সহিব, কিমান কান্দিব তাই
আহিব জানোঁ পুনৰ ঘূৰি সি তাইৰ জীৱনত ?
যাক তাই ইমান ভাল পাইছিল
পাহৰি যায় বুলিনো কেনেকৈ পাহৰিব পাৰে ?
কিছুদিন পাছত চাৰিওদিশে
তাইৰ নাম জিলিকিলে,
ডেকাৰ উপৰি ভকত গাঁওৰ বুঢ়াও
তাইৰ নগ্ন ভিডিঅ' নোচোৱালৈ নাথাকিলে ।
আজি ৰাজপথত সকলোৱে চিঞৰি চিঞৰি
তাইক জোকাইছে,
অই বেশ্যা ? অই বেশ্যা ??
তাই কোনোমতে নাক টিপি ঘৰ আহি
দুৱাৰত খিলি লগাইছে ।
বেশ্যা বনালে কোনে ?
তাইতো মাথোঁ তাক বিশ্বাসত সকলো দেখুৱাইছে
কিন্তু সি তাইৰ মূল্য নুবুজিলে,
তাৰ প্ৰতি থকা অপ্রতীম নিস্বাৰ্থপৰ ভালপোৱাক
সি জুৰুলা কৰি পেলালে ।
বুকুৰ গেলেৰীত মৰমবোৰ সাঁচি থবলৈ
তাই তাক বিচাৰিছিল জীৱনৰ বাবে,
কিন্তু সি তাইক বেশ্যা সজাবলৈ
তাই দিয়া ফটো, ভিডিঅ' আনক শ্বেয়াৰ কৰিলে ।
কথাখিনি তাই চিঠিখনতে লিখি থলে,
তাই তাৰ প্ৰেমৰ বাবেই বেশ্যা উপাধি পালে ।
সমাজৰ দৃষ্টিত মৰমলগা ছোৱালীজনী বেশ্যা হ'ল,
সেয়ে আৰু তাইৰ আজি বাছি থকাৰ ইচ্ছা নহ'ল ।
ক্ষমা নকৰিলেও তাইক ভুল নুবুজিব
প্লিজ… প্লিজ তাইক আৰু ভুল নুবুজিব,
তাই আজি তাৰ প্ৰেমত পৰিয়েই বেশ্যা হ'ল ;
সেয়ে তাইৰ আৰু জীয়াই থকাৰ হেঁপাহ নহ'ল ।।
অংকুৰ দাস
No comments:
Post a Comment