হেৰুৱাব নোখোজো আপোনাক
হেৰুৱাব নোখোজো আপোনাক
যন্ত্ৰণাৰ এটা পাৰত আপুনি ৰ'ব ,
আৰু আনটো পাৰত মই ৰৈ থাকিম
মৃত্যুক জয় কৰিবলৈ ।
আগতে আপুনি জয়ী হয়নে
মই হওঁ নেজানো !
হলেও
হঠাতে হেৰাই যাম বুলি নকব
ভালপোৱাবোৰক তুচ্ছ কৰি ।
মই জানোঁ,
মৃত্যুয়ে যে নিজৰ সময় মতে আহে ;
হলেও নকব চোন
মোক এৰি যোৱাৰ কথা ।
আপোনজনক
ইমানেই ভাল পোৱা যায় নে ;
যে মৃত্যু আহিব নালাগে বুলি
বাধা দিব লগীয়া হয় ।
কিন্তু শুনে জানো ইশ্বৰে ,
হৃদয় খন যে খালী কৰি লৈ যায় !
সেয়েহে মই ইশ্বৰৰ সন্ধানত থাকোঁ
কিজানিবা সেই বাটত আপোনাক লগ পাওঁ ।
ঈশ্বৰকো সেই নিভাঁজ হৃদয় খনতে
স্থান দিয়া যায় ,
ঠিক আপোনাক দিয়াৰ দৰেই সুকীয়াকৈ
আপোনাক হেৰুৱাব নোখোজোৰ ভয়ত ।।
Hello, my name is Anurag Saikia. I'm from the Gauhati, Assam, India.
No comments:
Post a Comment