মন যায় | তৃষ্ণা বৈশ্য | অসমীয়া কবিতা | Mon Jai By Trishna Baisya | Assamese Poem

মন যায়

কবিতাৰে উপচাই পেলাব মন যায় 

বুকুৰ যন্ত্ৰণাবোৰ যেন 

কবিতাৰ ভাষাত সজাম 

মন যায় কেতিয়াবা 

সপোনবোৰো আলফুলে 

যতনাই ৰাখি 

আশাৰ ফুলবোৰ 

কবিতাৰ শব্দৰে সজতনে 

গাঠি থম 

হৃদয়ৰ মাজত 

উকা হৈ থকা খালী ঠাই খিনি 

অনুভৱৰে পূৰ্ণ কৰিম 

কবিতাৰ মাজত 

মনৰ মাজত জ্বলি থকা 

প্ৰহেলিকা বোৰক নুমুৱাই ৰাখিব 

মন যায় 

কবিতাবোৰত বিষাদ ধালি 

মনতো বহুত যায় 

কিন্তু নোৱাৰো 

অভিমান বোৰ সামৰি যে 

আকৌ বুকুত বিষাদ লৈ 

ঘূৰি ফুৰোঁ !! 

তৃষ্ণা বৈশ্য